Linja e re Ankona - Bar (Mali i Zi)
Adria Ferries s.p.a është e kënaqur të njoftojë se duke filluar nga 9 korriku 2024 do të operojë në linjën e re ndërmjet Italisë dhe Malit të Zi, duke iu përgjigjur interesit të rritur për këtë vend të mrekullueshëm ballkanik, i cili po zhvillohet intensivisht në fushën e mikpritjes dhe shërbimeve turistike. Lidhja me traget ndërmjet Ankonës dhe Barit, dhe anasjelltas, do të sigurohet me nisje nga të dy portet dy herë në javë.
Hapja e linjës së re është fryt i një sinergjie të fortë të krijuar dhe zhvilluar gjatë muajve të fundit ndërmjet Qeverisë së Malit të Zi, Ambasadës së Italisë në Malin e Zi dhe Adria Ferries s.p.a.
AF Mia, trageti për kroçera që iu bashkua flotës së Adria Ferries në Dhjetor 2023, është trageti që do të operojë në rrugën Ankona - Bar. Anija mund të akomodojë më shumë se 1.500 pasagjerë dhe ka rreth 200 kabina, të gjitha të pajisura me shërbime të plota. Ndër to, 14 janë suita me shtrat dopio, nga të cilat 12 janë të vendosura në katin e sipërm dhe tërësisht të rinovuara në maj 2024. AF Mia gjithashtu është e pajisur me një sallon dhe zona të mëdha të përbashkëta që sigurojnë një udhëtim të rehatshëm për të gjitha llojet e pasagjerëve. Gjithashtu ka kabina të dizajnuara posaçërisht për të udhëtuar me kafshë shtëpiake dhe kabina të pajisura për transportin e personave me lëvizshmëri të kufizuar (PMR).
Shërbimet në AF Mia përfshijnë një dyqan duty-free dhe një zonë të dedikuar për fëmijët. Në bord janë katër bare, një prej të cilëve është në hapësirë të hapur dhe ofron gjithashtu pica të përgatitura në moment, kebab dhe sallata të freskëta, dhe një tjetër i specializuar në kokteje dhe pije premium për një aperitiv të këndshëm ose një pije pas darke. Restorantet në dispozicion të pasagjerëve janë dy, një self-service me rreth 300 vende dhe një à la carte me një ambient të sofistikuar dhe receta të kuzhinës italiane dhe ndërkombëtare të përgatitura me kujdes nga shefi i kuzhinës në bord.
Linja e re përfaqëson një mundësi unike për të eksploruar Malin e Zi, duke përfituar nga një udhëtim i rehatshëm dhe shërbime të cilësisë së lartë në bord të AF Mia.
Për informacion dhe rezervime vizitoni faqen https://booking.adriaferries.com/ ose telefononi call center-in e Adria Ferries në +39 071 50211621.
